ürkiyə Böyük Millət Məclisinin (TBMM) Xarici Əlaqələr Komitəsinin sədri Fuat Oktay, Türkiyənin Azərbaycandakı səfiri Prof.Dr. Birol Akgün və bərabərindəki nümayəndə heyəti məktəbimizi ziyarət ediblər.
Fevral 27, 2026
Səfər çərçivəsində qonaqlar məktəbin tədris prosesi, infrastrukturu və həyata keçirilən beynəlxalq layihələrlə yaxından tanış olublar. Türkiyə Maarif Vəqfinin Azərbaycan üzrə ölkə təmsilçisi Dr. Tabip Gülbay tərəfindən məktəbimizin fəaliyyəti, təhsil strategiyası və şagirdlərimizin nailiyyətləri barədə ətraflı məlumat təqdim olunub.
Ziyarət zamanı Azərbaycan ilə Türkiyə arasında təhsil sahəsində əməkdaşlığın əhəmiyyəti vurğulanıb, ortaq dəyərlərə əsaslanan qardaşlıq münasibətlərinin gələcək nəsillərin formalaşmasında mühüm rol oynadığı qeyd edilib. Qonaqlar müəllim və şagird kollektivi ilə səmimi söhbət aparıb, onların fəaliyyəti və hədəfləri ilə maraqlanıblar.
Ziyarət çərçivəsində şagirdlərimiz tərəfindən hazırlanmış qısa bədii musiqili proqram təqdim olunub.